صحافی روشن دین دیامیری نے اپنے ایک ٹویٹ میں سکردو میں ہونے والے نقصانات کی تفصیلات شیئر کیں اور لکھا
مورخہ یکم مارچ سکردو میں پیش آنے والے افسوسناک واقعے کے نتیجے میں درج ذیل اہم سرکاری و نجی املاک مکمل طور پر تباہ ہو گئیں:
ملک بھر میں مظاہرے، کراچی میں امریکی قونصل خانے پر دھاوا م، فائرنگ، 10مظاہرین جاں بحق
لاہور کراچی، اسلام آباد (نمائندہ خصوصی، مانیٹرنگ ڈیسک، نیوز ایجنسیاں)ایرانی سپریم لیڈر کی ہلاکت کے بعد کراچی میں مشتعل مظاہرین نے امریکی قونصل خانے پر دھاوا بول دیا، جھڑپوں میں 10 مظا ہرین جاں بحق اور 35 زخمی ہوگئے۔کراچی میں ایم ٹی خان روڈ پر مظاہرین نے امریکی قونصل خانے میں داخل ہونے کی کوشش کی، اس دوران مظاہرین پر سیدھی فائرنگ کی گئی جس میں 10 افراد جاں بحق اور 35 زخمی ہوگئے، لاشوں اور زخمیوں کو سول اور جناح ہسپتا ل منتقل کیا گیا۔پولیس نے مظاہرین کو منتشر کرنے کیلئے آنسو گیس کا استعمال کیا جس کے جواب میں مظاہرین کی جانب سے پتھراؤ کیا گیا۔ مشتعل مظاہرین نے سلطان آباد میں ٹریفک پولیس کی چوکی اور ایک موٹر سائیکل کو نذرآتش کردیا۔امریکی قونصلیٹ کے قریب مظاہرین کی بڑی تعداد رات گئے تک موجود جہاں ایس ایس پی کیماڑی کے مظاہرین کے ساتھ مذاکراتکئے۔لاہور میں بھی مظاہرین نے امریکی قونصل خانے کے باہر توڑ پھوڑ کی، پولیس نے مظاہرین کی امریکی قونصلیٹ جانے کی کوشش ناکام بنا دی۔ مظاہرین نے امریکی قونصلیٹ کے سامنے لگائے سکیورٹی کیمپ بھی اکھاڑ دیئے۔مظاہرین نے امریکی قونصلیٹ شملہ پہاڑی کے باہر دھرنا دے دیا۔ احتجاج میں نوجوانوں، خواتین و بچوں کی کثیر تعداد موجود ہے۔ خواتین نے شہید سپریم لیڈر علی خامنہ ای کی تصاویر اٹھا رکھی ہیں۔امریکی قونصلیٹ کے باہر مظاہرین کو روکنے کیلئے کنٹینرز کھڑے کردیے گئے۔ پولیس اہلکاروں کے ساتھ ساتھ رینجرز کے دستے بھی پہنچ گئے ہیں۔، لاہور میں احتجاجی مظاہرے کی قیادت تحریک بیداری امت مصطفی کے رہنما علامہ جواد موسوی سمیت دیگر نے کی۔ احتجاجی مظاہرہ کئی دیر تک پرامن رہا مگر بعض نوجوانوں کی طرف سے امریکی قونصلیٹ کی طرف پٹرول بم پھینکیں گئے جس پر پولیس نے مظاہرین پر شیلنگ کردیاسلام آباد میں مظاہرین کی امریکی سفارتخانے کی طرف جانے سے روک دیا گیا، پولیس مظاہرین کو منتظر کرنے کیلئے شدید شیلنگ اور ہوائی فائرنگ کی۔پولیس کی جانب سے مظاہرین کو روکنے کیلئے سخت حفاظتی انتظامات کیے گئے ہیں، ریڈ زون کو مکمل طور پر سیل کردیا گیا۔ دوسری طر ایرانی سپریم لیڈر آیت اللہ علی خامنہ ای کی شہادت کے بعد دنیا کے مختلف شہروں میں احتجاجی مظاہرے شروع ہو گئے۔ عراق کے دارالحکومت بغداد میں بھی شدید احتجاج دیکھنے میں آیا۔ اطلاعات کے مطابق امریکی اور اسرائیلی کارروائی میں آیت اللہ خامنہ ای کی ہلاکت کی خبر کے بعد مظاہرین گرین زون کی طرف بڑھے۔گرین زون بغداد کا وہ انتہائی محفوظ علاقہ ہے جہاں عراقی حکومت، پارلیمنٹ اور غیر ملکی سفارت خانے واقع ہیں۔الجزیرہ کی جانب سے تصدیق شدہ ویڈیوز میں مظاہرین کو جھنڈے لہراتے اور نعرے لگاتے دیکھا جا سکتا ہے۔عینی شاہدین کا کہنا ہے کہ کچھ مظاہرین امریکی سفارت خانے کی طرف بڑھنے کی کوشش کر رہے تھے جبکہ بعض افراد نے گرین زون کے داخلی دروازے کے قریب چوک پر گاڑیوں کو روکنے کی بھی کوشش کی۔ سیکیورٹی فورسز اور مظاہرین کے درمیان تنا ؤکی کیفیت دیکھی گئی۔ایران کی خبر رساں ایجنسی فارس نے بھی ایسی ویڈیوز جاری کی ہیں جن میں لوگوں کو سڑکوں پر نکل کر اپنے رہنما کے لیے سوگ مناتے دکھایا گیا ہے۔ مختلف شہروں میں تعزیتی اجتماعات منعقد کیے جا رہے ہیں اور عوامی سطح پر غم و غصے کا اظہار کیا جا رہا ہے۔ نیویارک شہر کے ٹائمز اسکوائر میں شہریوں کی بڑی تعداد جمع ہوئی۔نیویارک کے میئر زہران ممدانی نے امریکی حملوں کو ایک خطرناک پیش رفت قرار دیتے ہوئے کہا کہ یہ غیر قانونی جنگ میں خطرناک اضافہ ہے۔ مظاہرین نے جنگ بندی اور مزید حملے روکنے کا مطالبہ کیا۔مقبوضہ کشمیر میں بھی سرینگر میں لال چوک پر ایران کے رہبرِ اعلی آیت اللہ علی خامنہ ای کی شہادت کے خلاف احتجاجی مظاہرہ کیا گیا ہے۔ اس کے علاوہ گلگت بلتستان میں پْرتشدد مظاہروں کے دوران اقوامِ متحدہ کے دفاتر اور دیگر املاک نظر آتش کیے گئے۔ گلگت بلتستان حکومت نے امن و امان کی صورتحال کے پیش نظر گلگت اور سکردو میں آئندہ تین روز کے لئے کرفیو نافذکر دیا گیاضلعی انتظامیہ کے مطابق کرفیو کے دوران غیر ضروری نقل و حرکت پر مکمل پابندی ہوگی جبکہ شہریوں کو گھروں تک محدود رہنے کی ہدایت کی گئی ہے۔انتظامیہ کا کہنا ہے کہ قانون نافذ کرنے والے ادارے مختلف علاقوں میں گشت جاری رکھیں گے اور خلاف ورزی کی صورت میں قانونی کارروائی عمل میں لائی جائے گی۔شہریوں سے اپیل کی گئی ہے کہ وہ انتظامیہ کے ساتھ تعاون کریں اور کسی بھی قسم کی افواہوں سے گریز کریں۔ وفاقی وزیر گلگت بلتستان و کشمیر انجینئر امیر مقام کا گلگت بلتستان کے گورنر سید مہدی شاہ، وزیراعلیٰ جسٹس ریٹائرڈ یار محمد، سابق وزیراعلیٰ جی بی حفیظ الرحمان، چیف سیکرٹری ابرار احمد مرزا اور انسپکٹر جنرل پولیس ڈاکٹر ناصر خان اکبر سے ٹیلی فونک رابطہ کیا اور گلگت بلتستان میں جاری احتجاج اور مجموعی صورتحال پر تبادلہ خیال کیا۔وفاقی وزیر نے احتجاج کے دوران جانی و مالی نقصان پر گہرے افسوس کا اظہار کیا اور چیف سیکریٹری سے تفصیلی رپورٹ طلب کی۔سینیٹ میں اپوزیشن لیڈر سینیٹر راجہ ناصر عباس نے کہا ہے کہ مجھے الفاظ نہیں مل رہے کہ میں اْن پْرامن احتجاجی مظاہروں پر ہونے والے وحشیانہ کریک ڈاؤن کی مذمت کر سکوں جو ملک بھر میں امریکہ اور اسرائیل کی ایران کے خلاف غیرقانونی جارحیت کے خلاف منعقد کیے گئے۔ اس جارحیت کے نتیجے میں رہبر انقلاب اسلامی آیت اللہ خامنہ ای شہید ہوئے، جو صرف ایران کے سپریم لیڈر ہی نہیں بلکہ پاکستان سمیت دنیا بھر کے شیعہ مسلمانوں کے مرجعِ تقلید بھی تھیپاکستان تحریکِ انصاف (پی ٹی آئی) نے کراچی میں امریکی قونصلیٹ کے باہر پرامن مظاہرین پر پولیس کی براہِ راست فائرنگ اور تشدد کے نتیجے میں ہونے والی ہلاکتوں کی شدید مذمت کی ہے اور قیمتی انسانی جانوں کے ضیاع پر گہرے دکھ و صدمے کا اظہار کیا ہے۔پی ٹی آئی نے کہا کہ پرامن شہریوں کا اپنے جذبات کا اظہار کے لیے سڑکوں پر نکلنا آئینی حق ہے، تاہم مظاہرین کے خلاف طاقت کا اندھا دھند اور غیر انسانی استعمال کسی بھی مہذب معاشرے کے لیے ناقابلِ قبول ہے۔
Comments
Post a Comment